ՍՀՀԿ Սույն թվականի ապրիլի 1֊ին տեղի ունեցավ Գորիսի պետական համալսարանի Հայոց լեզու և գրականություն բաժնի 2-րդ կուրսի ուսանողուհի Անի Ղազարյանի “Լեռներից այնկողմ” գրքի շնորհանդեսը։ Նրա անդրանիկ վիպակը ներկայացնում է 2023 թվականի իրադարձությունները՝ համադրելով դրանք փոքրիկ, սակայն հուզիչ սիրային ողբերգական պատմության հետ։ Միջոցառումը համախմբել էր գրականության սիրահարներին, ուսանողներին և դասախոսներին, հյուրերին։ Շնորհանդեսն անցավ ջերմ մթնոլորտում՝ արժանանալով մեծ հետաքրքրության։ Հհեղինակը խոսեց գրքի ստեղծման մասին՝ ներկայացնելով այն ներշնչանքներն ու իրադարձությունները։ Միջոցառմանը հնչեցին բազմաթիվ գովեստի խոսքեր, մասնակիցները բարձր գնահատեցին ստեղծագործության թեմատիկ ընդգրկվածությունը, խոսքի արտահայտչականությունը և անկեղծությունը։ Գիրքը արդեն հասցրել է արժանանալ ընթերցողների սիրուն ու գնահատանքին, իսկ մասնագետներն ընդգծեցին այն որպես խոստումնալից ստեղծագործություն, որը խոսում է երիտասարդ հեղինակի տաղանդի և խոստումնալից ապագայի մասին։ Շնորհավորում ենք Անի Ղազարյանին և մաղթում նոր ստեղծագործական ձեռքբերումներ։
Կատին Դավթյան, ԳՊՀ հայոց լեզու և գրականություն բաժնի 2-րդ կուրս
Էջագլխի նկարը տրամադրեց Մ․ Մխիթարյանը
Discover more from ՍՀՀԿ
Subscribe to get the latest posts sent to your email.
